FAST SPALTIST: Solfrid Bratland-Sanda er fast spaltist i Bø blad - Lokalavis for Midt-Telemark.
Hilde Eika Nesje
– Det er ingen ting som mobiliserer meir enn å vinne ei kåring
Solfrid Bratland-Sanda er professor i idrett på USN, politifrue og MTT (mor til tre). Telemarking med hjarte for fysisk aktivitet, forsking, formidling og folkedrakter. Kjem frå Bratland-slekta i Vinje, der songstemma er skeivt fordela og dei som ikkje kan synge saumar bunad.
Ei av regionsavisene i Telemark har dei siste vekene hatt ei kåring om kva for kvinnebunad frå Telemark som er finast. Krigar har vorte starta av mindre viktige ting enn dette, tenkjer kanskje du. På sjølvaste 17. mai vart resultatet klart, og til både journalistens og bunadtilverkaranes store overrasking var det ikkje beltestakken, men Vest-Telemark-bunaden, som vann. Forskaren i meg blir sjølvsagt veldig nyfiken på datamaterialet, og eg har nokre hypoteser som kan forklare resultatet.
