SIDESPRANG: Camilla Skiaker Mælen frå Akkerhaugen er fast spaltist i Bø blad.
Hilde Eika Nesje
Ein strevsam relasjon
Camilla Skiaker Mælen har vakse opp i Hardanger, og flytta frå det eine epleheradet til det andre (Sauherad) før tusenårsskiftet var eit faktum. Ho bur på Akkerhaugen med god oversikt over aktiviteten på Norsjø. Av yrke er ho lærar, og ho starta karriera på Akkerhaugen skule før ho flytta arbeidsplassen sin ut i periferien til Gvarv skole og vidare til Bø skule. Ho likar å strikke, har mann og fire barn og reiser med jamne mellomrom over Haukeli.
«Var det godt med nye dekk på bilen?» spurte mannen min og såg på meg. Fjeset mitt hadde, kan hende, eit litt overraska uttrykk sidan dei neste orda han sa var: «Du har kanskje ikkje merka det?» Nei, eg hadde jo ikkje merka det! Eg hadde satt meg i bilen, fyrt opp motoren medan eg tenkte «flaks», som eg alltid gjer når han startar, og sette kursen heimover. Der eg sat i førarsetet tenkte eg på hendingar frå arbeidsdagen min, og vurderte om eg trong innom butikken. Bilen ofra eg ikkje ein vidare tanke.
