SIDESPRANG: Camilla Skiaker Mælen frå Akkerhaugen er fast spaltist i Bø blad.
Hilde Eika Nesje
– Er det slik at Herr Økonomi alltid har vetorett når nye innsparingskrav kjem på bordet?
Camilla Skiaker Mælen har vakse opp i Hardanger, og flytta frå det eine epleheradet til det andre (Sauherad) før tusenårsskiftet var eit faktum. Ho bur på Akkerhaugen med god oversikt over aktiviteten på Norsjø. Av yrke er ho lærar, og ho starta karriera på Akkerhaugen skule før ho flytta arbeidsplassen sin ut i periferien til Gvarv skole og vidare til Bø skule. Ho likar å strikke, har mann og fire barn og reiser med jamne mellomrom over Haukeli.
Eg byrja på skulen i 1984. Då var eg sju år og kom i klasse med tre andre born som var fødd same året som meg. Skulen låg langs ei fjordstrekning eg kjende godt til, og om lag tretti born frå dei små bygdene langs fjorden møtte her nokre dagar i veka til læring og leik. Tilværet var oversiktleg og greitt, med god oversikt over det sosiale kartet, samt områdekartet.
