M
Fordi fellesskap fungerer best
Fleire stemmer skal inn i Bø blad. Derfor har me også i 2020 bedt fire gjesteskribentar om å sjå fritt på lokalsamfunnet. Ellen Hageman er skribent og teolog, busett på Gvarv med utsikt til Lifjell.
I år blir eg femti år. Det er i grunn på tide. For er det noko dei snart femti åra har lært meg, så er det at eg er den eg er og at eg ikkje klarer å gjere stort med det. Eg har mine sjarmerande og mindre sjarmerande sider. Eg er ikkje typen til å sette meg høge mål og jobbe lenge og målretta i medgang og motgang for å nå dei. Innimellom plagar det meg sidan det å nå sine mål og realisere sine draumar synes å vere det same som meininga med livet i det samfunnet vi lever i. Og då kan fort mitt vesle liv fortone seg nokså meiningslaust.
