Gull eller gråstein

Det er så fint med lokalavisa, som gir oss alt frå analysar av lokalvalet til referat frå lag og foreiningar. For ein som ikkje er så altfor trufast lesar kan det av og til gå litt fort i svingane, så difor kom eg i skade for å tru at det var bilde frå årsmøtet i herreavdelinga i pensjonistlaget hin dagen. Men så var det altså folkemøtet om framtida til bygdas gullgruve. Med god grunn vart det mimra tilbake til den tida då bygdas framsynte fekk på plass den storstova som har vore så viktig for lokalsamfunnet vårt, og for å sette Bø på kartet. Nesten like viktig som etableringa av Distriktshøgskulen nokre år tidlegare. Og som jernbanen og Sommarland.