FAST SPALTIST: Otto Christian Dahl skriv fast i Bø blad.
Privat
– Me er medvandrarar i kvarandres liv – og medforfattarar i kvarandres soger
Otto Christian Dahl er båteigar, kulturvitar og far til tre. Busett i Breisås med dagleg virke for kommunesektoren i heile landet gjennom KS. Opphavleg frå Stavanger, men fødd på Madagaskar. Togpendlar, nynnar og fritenkar.
Eg kjenner det krible i hovudet. Morgonsola skin inn vindauget. Hunden sukkar tungt liggande strekk ut på golvet. Dei gule påskeliljene solar seg. Det er ganske så stille. Alle er opptatt med sitt. Det knitrar fornøgd i omnen. Det er påskefri. Hyttehelg. Det er ingen som skal nokon ting. Ingen som følgjer med på klokka. Ho får gjere som ho vil denne dagen. Kan hende klokka ôg tar seg ei strekk på sofaen. Det er ingen som hadde merka noko til det.
