SIDESPRANG: Turid Sveinsson er fast spaltist i Bø blad.
Hilde Eika Nesje
Stress ned! Det er hastverk nok til alle
Turid Sveinsson flytta den lange vegen frå Seljord te Bø i 1999. Ho held til i Puttland, og arbeider med det ho er utdanna som: hjelpepleiar/helsefagarbeidar. Ho er òg aktivitetskontakt og nøgd med val av yrke, for ho er glad i å jobbe med og rundt menneske. Turid er tilhengar av å bruke dei flotte turmulegheitene me har. Frå april til oktober er ho helst oppå Lifjell, eller ei anna høgde rundt forbi. Ei artig historie blir sett pris på, og ein god latter stend høgt i kurs . Ho er glad i song og musikk, og ein bra film er heller ikkje å forakte ein ledig kveld.
Når eg skriv det her, så er det måndags ettermiddag etter jobb. Tok meg i det i dag og kjenner litt på stresset i kvardagen og med det blir iallfall eg vimsete. Var innom på Gvarv eit ærend som ei av dagens rutiner og ynskja han god helg då eg gjekk ut dynna. Eg kan ikkje vere den einaste som kjenner at det blir litt mange ting å tenkje på til tider? Kvifor skal ein heile tida vere to meter framfor seg sjølv og heile tida ha ein stressa hjerne?
