Store skilnader på skulanes symjeundervisning:
POTENSIALE I FORBETRING. Leiar i utval for oppvekst og kultur, Evy Beate Stykket (t.v.), og ordførar Siri Blichfeldt Dyrland meiner det er viktig med god symjeundervisning og ser at kommunen kan bli betre på eit sameina tilbod til alle elevar. På grunn av kommunens økonomi kan dei likevel ikkje love å frede symjebassenget på Gvarv.
Hilde Eika Nesje
– Me har eit forbetringspotensiale
Ordførar Siri Blichfeldt Dyrland og utvalsleiar for oppvekst og kultur, Evy Beate Stykket, synest det er synd at forskjellane på symjeopplæring er så store i kommunen.
I førre vekes Bø blad kunne ein lese om dei store forskjellane i symjeundervisinga på dei ulike skulane i Midt-Telemark. Rektor på Gvarv barne- og ungdomsskule, Tine Kvilekval, påpeika da at dei ikkje kan oppretthalde den gode symjeundervisninga si dersom bassenget på Gvarv blir stengt. Elevane på Gvarv er dei som har mest symjeundervisning og når kompetansekrava best. Politikarane har planlagt å stengje Gvarv-bassenget frå og med neste år for å spare pengar i kommunen.
