GRØN UTVIKLING: Ana Julie Verbelen har funne seg godt til rette i her i kommunen. Ho gler seg over å kunne bidra til grøn utvikling.
Unni Buverud
For Ana Julie blei mathagen på Evju ein veg til integrering
– Eg er nok litt nerd på jordhelse, seier Ana Julie Verbelen (53) frå Belgia. Ho vier all si tid til denne interessa gjennom jobb på USN og mathagen ho har skapt på Evju bygdetun.
Ana Julie Verbelen er frå Brüssel i Belgia, men i vaksen alder har ho budd nesten 20 år i Sør-Spania, der ho og eksmannen kjøpte ein gard. Der dreiv ho mellom anna økologi i praksis, såkalla «permakultur», samt formidling av berekratig jordbruk.
