Kjempar for sjukehuset: – Eg hadde ikkje levd lenger viss eg ikkje hadde kome hit
Kampropet «La sjukehuset leve» runga over sjukehuset på Nordagutu torsdag kveld. Rundt 90 var møtt fram for å delta i markeringa. Av dei hadde mange personlege erfaringar med det nedleggingstruga tilbodet.
Politikarar, bygdefolk, tilsette, nåverande og tidlegare pasientar sto saman i felles kamp for rehabiliteringstilbodet på Nordagutu torsdag kveld. Fleire av dei frammøtte har eigne erfaringar med tilbodet. To av dei greip ordet etter at ordførarar Siri Blichfeldt Dyrland hadde halde sin appell.
