GJEV RÅD OM PRIVATØKONOMI: Økonomi- og gjeldsrådgjevar i NAV Nome og Midt-Telemark, Rolf Eikeland, har for tida 156 aktive saker for innbyggjarane i regionen. No ventar ein talet på tilfelle med økonomiproblem vil stige.
Øystein Akselberg
Rolf kan hjelpe deg med gode råd om økonomi: – Få oversikt og ikkje skuv på problema
NAV ventar ein auke i talet på innbyggjarar som får problem med økonomien. Det blir meir vanleg at folk ikkje får endane til å møtast.
Rolf Eikeland er økonomi- og gjeldsrådgjevar i NAV Nome og Midt-Telemark. Før han kom til NAV i 2011 jobba han mange år innan bank og finans, både her heime og i Canada og USA. Siste jobb før NAV var som banksjef i Sparebank 1 Grimstad. Det gjer at han har god bakgrunn for å kjenne til korleis bank- og kredittinstansar tenkjer når dei møter på folk med gjelds- og betalingsproblem.
