VER VARSAM: Islagde vatn med berre litt snø på kan vere farlege å ferdast på. Eksempel frå Åstjønn i Breisås.
Øystein Akselberg
NVE sender ut farevarsel om å gå på islagde vatn
Det er nå store variasjonar i kor tjukk isen er på islagde vatn. Folk blir oppmoda om å sjekke dette nøye og ha med seg redningsutstyr når ein skal ferdast på isen.
Norges vassdrags- og energidirektorat (NVE) melder om at eit tynt snølag gjer det svært vanskeleg å vurdere isen med berre augene. Variasjonar i snøen og straumar i vatnet gjer at det er store forskjellar i kor tjukk den er. Sjølv erfarne folk som brukar isstavar til å sjekke isen, har gått igjennom.
