Sosiale medium

Bø i Telemark
01
14°C
 

Dato

Laurdag 21. april 2018

Web-kamera i Bø

Høgskulen
Lifjell

Forfatterarkiv

3.og 4. plassar i junior-NM

160811-junior-NM-Thomassen

Leia i starten. Lisa Marie Thomassen leia i starten på 800 meter, men sprakk. Foto: Olav Finstad

 

Opptur for Thomassen

Lisa Marie Thomassen tok ein tredjeplass og Mariann Roe to fjerdeplass, to personlege rekordar og ein kretsrekord i junior-NM på Brandbu.

Marta Kjøllesdal

marta@boblad.no – tlf 976 88 692

– Eg er veldig fornøgd med resultatet. Eg har slite veldig med 1.500 meter in år.

Det seier Thomasen som tok bronse på 1.500 i U23-klassen.

– Det var eit veldig bra løp og det vart ein bitte liten pers. Det losna på rett tidspunkt, held ho fram.

Det var ein veldig opptur for Thomassen, spesielt fordi dette er siste år i juniorklassen, neste år er ho senior.

Roe tok fjerdeplass i U20 på 1.500 og 3.000 meter. På begge distansane sette ho personleg rekord. På 3.000 vart det ny kretsrekord.

 

Les meir i papiravisa eller kjøp avisa på nett på buyandread.no.

 

Flytter legevakta tilbake til Bø

160506-Flytter-legevakt-02-b

Kort sambuarskap. I mai vart det opplyst at legevakta for Bø og Sauheard skulle samlast på Sauherad Bygdeheim, no er samlinga splitta opp. Gunn Karin Slaaen Rørvik, einingsleiar helse i Sauherad, Solveig Tangen Nielsen, tillitsvald Sauherad Legesenter, Kristin Sekse, kommuneoverlege, Ingunn Espesett Vreim, fagansvarleg Bø, Martin Ytreland, leiar for Sauherad Bygdeheim og Ruth Hogstad-Erikstein, tillitsvald Bø Legesenter. Arkivfoto

 

Ikkje trygt nok

 

Frå 1. juni skulle Bø og Sauherad ha felles legevakt på kveldar og i helger, men det er det slutt på. Legane i Bø meinte det ikkje var sikkert nok.

 

– Legevakta er tilbake til den gamle ordninga, seier rådmann i Bø, Åse Egeland.

Det vil seie at legevakta vekslar mellom å vere på Gvarv og i Bø, avhengig av kva legar som har vakt.

 

På sjukeheimen

Grunnen til at kvelds- og helgelegevakta vart flytta til Gvarv tidlegare i sommar var at legane ikkje kjende seg trygge der dei var. Då Bø blad skreiv om flyttinga tidleg i mai fekk me opplyst at legane ikkje ønskte å vere åleine på jobb. Legevaktkontoret på Gvarv vart flytta til Sauherad Bygdeheim. Der var det sjukepleiar på jobb som også kunne hjelpe legane når dei hadde tid.

– Legane i Bø var ikkje fornøgd med den nye ordninga på Gvarv, seier Egeland.

Ho seier det har vore dialog om saka. Felles legevaktkontor på Gvarv var ei midlertidig løysing som Egeland seier både ho og legane trudde skulle bli betre.

– Me har akseptert at legane heller ville vere i Bø, seier rådmann.

Ho opplyser at lokala på Gvarv er godkjende.

– Sauheradlegane tykkjer det er ei god løysing, seier Egeland om kontoret på Gvarv sjukeheim.

 

Til Notodden

– No jobbar me for å få legevakt på Notodden, seier Egeland.

Ho opplyser at ein hadde inngått avtale med Notodden om felles legevakt for nokre år sidan. Men den ordninga ønskte ikkje legane i Bø og Sauherad. Dermed vart det ikkje noko av.

– Det blir altfor dyrt å ha ei bemanning rundt legane dersom me skal ha det i Bø og Sauherad, seier Egeland.

Det meiner ho legane aksepterer. Egeland reknar med at det er mogleg å få til ei ny avtale med Notodden, men det tek tid. Ei slik ordning vil føre til at legane i Bø og Sauherad reiser til Notodden og jobbar når dei har vakt.

 

Same telefonnummer

Egeland opplyser at telefonnummeret ein skal ringe til legevakta er det same som før både natt og dag.

 

 

Eagle Car Clubb Bø 40 år: – For små tomter til amerikanarar  

160707-Eagle-Car-Club-40-år-06-b

Tre presidentar. Frøydis Fosstveit, sitjande president, er den første kvinna på toppen i Eagle Car Club, Asbjørn Strand var den første og Andres Eika (t.h.) var den andre presidenten. Foto: Marta Kjøllesdal

 

 

God aktivitet i amcarklubben

 

 

Amcarklubben meiner hustomtene i Bø må bli så store at folk har plass til å ha ein amerikansk bil på eigen grunn. Det må inn som eit punkt i reguleringsplanane til kommunane.  

 

– No må ein nesten ha gard for å drive med amcar, seier Andres Eika muntert.

Sjølv har han gard, fem amerikanske bilar og fleire periodar som president i Eagle Car Club bak seg. Regjerande president Frøydis Fosstveit har tre amerikanske bilar i familien og må leige plass.

Sist helg feira klubben 40-årsjubileum. Aktiviteten har gått litt opp og ned, akkurat no er den god og det er 51 betalande medlemmar i jubileumsåret. Men klubben vil gjerne har fleire, gjerne unge.

 

Les meir om historia, framtida og jubileet til Eagle Car Club i papiravisa eller kjøp avisa på buyandread.no

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje