Sosiale medium

Bø i Telemark
34
-10°C
 

Dato

Fredag 14. desember 2018

Web-kamera i Bø

Høgskulen
Lifjell

Forfatterarkiv

Bø er større enn Nome

Stor folkevekst. Folketalet i Bø veks. No er det 6.680 bøheringar. Foto: Øystein Akselberg

 

Går forbi Nome

I oktober 2018 skjedde det: Bø har fått høgare folketal enn Nome. Ikkje nok med det: Bø er kommunen med høgast relativ folketilvekst i heile landet så langt i år.

Bø har auka med 213 innbyggjarar hittil i år, og med heile 227 i løpet av dei siste tolv månadane. Både Nome og Sauherad har fått redusert folketalet sitt i løpet av det siste heile året. Nome har fått 52 færre og Sauherad 61 færre innbyggjarar.

Auken i folketalet i Bø så langt i år fordelar seg på eit fødselsoverskot på sju personar og ei netto tilflytting på 213 personar.

Bø har per 1. oktober 6.680 innbyggjarar, medan talet i nabokommunen Nome er på 6.584. Sauherad har 4.289 innbyggjarar.

Kjelde: Telemarksforsking/ SSB.

Mange aktørar på jubileumskonsert

Musikalsk bukett. Nokre av aktørane på scena i sundagens jubileumskonsert i regi av Bø ungdomskorps var Aasmund Nordstoga (f.v.), Grete H. Sele frå Bø kyrkjekor, Randi Stokland frå Bø ungdomskorps, Finn Arne Dahl Hanssen frå Telemark messingkvintett og Sverre Jacobsen, dirigent i Bø ungdomskorps og musikar i Telemark messingkvintett. Foto: Øystein Akselberg

Festeleg konsert

Bø ungdomskorps feira 45-årsdag og hadde invitert til stor jubileumskonsert med mange musikalske vener. I tur og orden serverte Bø ungdomskorps, Telemark Messingkvintett, Aasmund Nordstoga og Bø kyrkjekor fin musik og song i Gullbring i går kveld.

Konserten hadde tittelen «Jubileum» og korpset nytta høve til også å feire at Musikkorpsbevegelsen er 100 år, at Militærmusikken er 200 år og at det er 200 år sidan Aasmund O. Vinje blei fødd.

 

Folkemusikkpris til Simen Roheim Iversen

Folkemusikkpris. Guri Røsok frå Bø kulturnettverk delte ut pris til munnharpesmed og spelemann Simen Roheim Iversen under Bøkappleiken på Sandvin i ettermiddag. Foto: Øystein Akselberg

Bøkappleiken har vore i full gang sidan klokka 13 i dag, laurdag. Eit brekk i kappleiken blei det klokka 17 i ettermiddag då folkemusikkprisen i Heidi Løvlund Minnefond skulle delast ut. Guri Røsok tok ordet på vegner av Bø kulturnettverk og fortalte at i regi av fondet kan det delast ut pris til unge talent innan tradisjonsmusikk og tradisjonsdans i Bø og omegn. Prisen er på 10.000 kroner og skal gå til vidare opplæring og utdanning.

Den fjerde prisvinnaren i rekkja er munnharpesmed og spelemann Simen Roheim Iversen (24) frå Bø. Han har hatt ei lynkarriere som både spelemann og smed. Det heile starta med eit kurs hjå musikar Anders Røine for berre fire år sidan. Sidan den gongen har Roheim Iversen vunne landskappleiken i 2017  i munnharpespel. No går han fjerde året på folkemusikkstudiet på Rauland.

– Eg set stor pris på denne utmerkinga. Dette er moro og viktig for meg som utøvar, sa han og kvitterert med ein slått på munnharpa, ein setesdalsvariant av Fanitullen.

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje