Leiar i Bø mållag, Margit Ims, delte ut Målblomen til Thomas Hellekås og bandet Byting under folkemøtet i Gullbring tysdag kveld. Foto: Gro B. Røiland
Byting er heidra med Bø mållags Målblomen. Mållaget uttalar at bandet har eit ekte og genuint uttrykk og eit heilt særeige lydbilete med kombinasjonen av elgitar og hardingfele og songtekstar på bømål.
– Det er ikkje sjølvsagt å synge på bømål i ei tid der mange artistar vel engelsk framfor norsk. At de har valt bømål og vore talspersonar for dialektbruk er viktig i ei tid der bømålet er truga, sa Margit Ims, leiar i Bø mållag, i grunngjevinga for at Byting får Målblomen.
Prisen blei delt ut under folkemøtet sist tysdag, der tema var bødialekten. Bø mållag og Bø kulturnettverk inviterte til møtet, som trakk mange engasjerte bøheringar.
Meir om folkemøtet og Målblomen kan du lesa i Bø blad torsdag 9. november. Du kan også kjøpe avisa på buyandread.no