Bøjenta Ane Hemmestad Sunde (19) er teken ut på juniorlandslaget i telemarkkøyring på ski og skal delta i junior-VM.

Meisterskapen går i Krvavec, Slovenia, i dagane 14. til 18. februar. Skarphedin-køyraren er teken ut saman med åtte andre jenter og fire gutar. Det skal køyrast både verdscuprenn og VM-konkurransar.

Trenar for juniorlandslaget, bøheringen Arnstein Sunde, seier at utøvarane er tekne ut etter ei vurdering av innsatsen i norgescup-renna og samlingar, samt at utøvarane har vist god og stabil køyring over lengre tid.

Morgedal IL er godt representert med Maja E. Brynilsen, Kristian Lauvik Gjelstad og Brage Osen Gjøleberg.