Audun Rørmark (18) frå Bø er tildelt Drømmestipendet på 15.000 kroner frå Norsk kulturskoleråd og Norsk Tipping.
Han er ein av hundre unge kulturtalent i landet som får Drømmestipendet 2018. Tanken er at stipendet skal vera ein inspirasjon og bidra til å oppfylle draumane til unge kulturutøvarar.
Audun, som nettopp er ferdig med musikklinja på Skien videregående skole, spelar fiolin, hardingfele, saxofon og bass. Under tildelinga onsdag kveld på kulturskolens sommarframsyning i Gullbring kulturanlegg, kvitterte han for pengane med Johan Svendsens Romanse for fiolin og piano, akkompagnert av Janne Brudvik Villa.
– Det er tredje gongen ein ungdom frå Bø får Drømmestipendet, påpeika ordførar Olav Kasland under overrekkinga.
Les meir om den glade stipendvinneren i papiravisa neste veke.