Sosiale medium

Bø i Telemark
33
-4°C
 

Dato

Laurdag 16. februar 2019

Web-kamera i Bø

Høgskulen
Lifjell

Forfatterarkiv

Klart for ny kammermusikkfest

160317-Norsjø-kammermusikkfest-05-

Martin Ødegaard (t.v.), Øyvind Sundsvalen, Sara Övinge og Josephine Hsieh skal alle på scenen under Norsjø kammermusikkfest. Foto: Marta Kjøllesdal

 

Eldsjelene bak Norsjø Kammermusikkfest er klare med årets program. – Temaet for årets festival er epos, forteljing og eventyr, seier Øyvind Sundvalen.

Pianisten er ein av tre unge musikarar frå Sauherad som står bak Norsjø Kammermusikkfest i dagane 18. til 23. april. Med seg har han komponist Martin Ødegaard og klarinettist Øystein Waage.

Kammermusikkfesten har ein ung profil. Dei fleste musikarane er fødde på 90-talet. I tillegg til Ødegaard, Sundsvalen og Waage, spelar også i år Guro Kleven Hagen og Sara Övinge, begge fiolin, og Josephine Hsieh, klaver. Blant dei nye namna er Benedict Kloeckner på cello og Karol Ciesluk på kontrabass.

Sundsvalen, Ødegaard og Waage trekkjer også inn lokale ressursar. Klaus Sandvik frå Seljord står bak bestillingsverket «Norske eventyr».

 

Les meir om Norsjø kammermusikkfest i papiravisa eller kjøp avisa på buyandread.com.

 

Rullar ut breiband

160317-Harald-Kinck-10-

Harald Kinck fortel at breibandsutbygginga har gått raskare enn planlagt. Foto: Marta Kjøllesdal

 

Nå får deler av Bø breiband før dei hadde venta. Midt-Telemark Breiband har gjennomført 90 prosent av tiårs-planen etter fem år.

Det seier Harald Kinck i Midt-Telemark Breiband. Firmaet har fått oppdraget med å legge breiband i nye område i Bø. Det gjeld Eikjabygda, deler av Heia og eit mindre område i Øvre Bø. I tillegg også Stranda-Årnes og til Dalsvatn i Sauherad.

Det er pengar frå staten som gjer utbygginga mogleg. I 2015 fekk Bø kommunen 2,9 millionar kroner til utbygging.

I natt må du stille klokka

160326-stillklokka

Det er tid for å skru klokka ein time fram.

I natt, klokka 0200, startar sommartida, og me kan gle oss over lysare kveldar.

Sommartid blei fyrste gong innført i ei rekke europeiske land under fyrste verdskrigen. Noreg har hatt sommartid kvart år sidan 1980.

Ein regel for å hugse om klokka skal stillast ein time framover eller bakover, er å tenkje at ein om våren ser fram til sommarferien og derfor stiler klokka ein time fram. Om hausten lengtar ein tilbake til sommarferien og stiller klokka ein time bakover.

Sommartida tar i år slutt natt til sundag 30. oktober.

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje