Sosiale medium

Bø i Telemark
11
6°C
 

Dato

Torsdag 15. november 2018

Web-kamera i Bø

Høgskulen
Lifjell

Forfatterarkiv

Nasjonal satsing for hardingfelesenteret

Torgeir Straand har store planar for Norsk Hardingfelesenter, både lokalt, nasjonalt og internasjonalt. Det blir mest konsertar.

Torgeir Straand er klar for eit nytt år med Norsk Hardingfelesenter. Foto: Gro B. Røiland

Norsk Hardingfelesenter med Torgeir Straand i spissen vil i 2016 jobbe for ei nasjonal satsing på hardingfele og slåttemusikk. Planen er eit samarbeid med hardingfeledistrikta Setesdal, Hardanger og Valdres.

Også i 2016 vil hardingfelesenteret by på tolv konsertar, to temasamlingar og ei bok. I fjor blei aktiviteten langt større enn planlagt, med 20 konsertar rundt om i Telemark. Meir enn 2700 personar besøkte arrangementa i regi av Norsk Hardingfelesenter og samarbeidspartnarane.

Les meir i papiravisa eller på buyandread.com.

 

Bødialekten på vikande front

160128 bødialekt folkestad 2

Kontaktlærar Jørgen Kåsa synest det er trasig at bødialekten blir borte og trur det hadde vore moro med eit dialektprosjekt i skulen. Fjerdeklassingane Indiane Emia Sjøli Porsanger (t.v.) og Ida Bø Bakka har lyst til å lære meir bødialekt. Foto: Gro Birgitte Røiland

 

Bødialekten er på vikande front, spesielt blant barn og unge i Bø. I eit innlegg på Facebook-gruppa «Me som snakkær bøhæring (eller likær dialekten)» luftar Birger Risnes ideen om kurs i bøhering. Noko mange har respondert positivt på.

Rektor på Folkestad skule, Hanne Skretteberg, ynskjer å slå eit slag for bødialekten i undervisninga på skulen og ser for seg eit prosjekt der elevane kan jobbe med dialekt over tid. – Det er naturleg å legge dialekt inn i norskfaget, men ein kan også bruke det i andre fag, seier Skretteberg.

Ho er inspirert av eit prosjekt frå Ål ungdomsskule, der elevar i niande klasse blei utfordra til å snakke halling i ei veke. Elevane tok utfordringa, og ei veke blei til tre månader.

 

Les meir om bødialekten i papiravisa eller digitalt på buyandread.com.

 

 

 

 

Vann fram i Brussel

151022 Bø blad ny nettside 2

Redaktør Hilde Eika Nesje (t.v.) er glad for vedtaket om momsfritak på digitale medier, på line med papiraviser. Biletet er tatt da Bø blad i fjor haust lanserte ny nettside, laga av systemutviklar Veronika Andersen (midten) og prosjektleiar Bodil Sandøy Tveitan ved Arkitektumweb. Foto: Gro B. Røiland

 

EFTAs overvakingsorgan ESA har godkjent at Noreg kan ha momsfritak for nyheiter på nett. Noko som betyr at nyheiter på digitale plattformer blir sidestilt med nyheiter på papir.

For Landslaget for lokalaviser (LLA) der Bø blads redaktør Hilde Eika Nesje er inne i sitt åttande år som styremedlem, har dette vore ei kampsak lenge. Vedtaket i ESA som finansminister Siv Jensen og kulturminister Linda Hofstad Helleland offentleggjorde måndag, er godt nytt for ein pressa mediebransje.

– Dette er eit gledeleg vedtak. Landslaget for lokalaviser har stått fjellstøtt på nullmoms sidan 2010. Det er viktig at det ikkje er skatt på det frie ord, uansett om det er på papir eller digitale plattformer. Det gjer det lettare også for mindre aviser med få ressursar å satse meir på digitale produkt, når ein ikkje blir skattlagt for det, seier Eika Nesje.

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje