Sosiale medium

Bø i Telemark
03
23°C
 

Dato

Fredag 23. august 2019

Web-kamera i Bø

Høgskulen
Lifjell

Forfatterarkiv

Nytt studieår er i gang

Studiestart i . Rektor ved Universitetet i Søraust-Noreg (USN), Petter Aasen, opna studieåret 2019-2020 ved campus Bø i går. Aasen nytta sjansen til å ta ein liten filmsnutt av musikaren Iris og studentar og gjester som var tilstade i amfiet. Foto: Øystein Akselberg

Denne veka er det studiestart ved Universitetet i Søraust-Noreg (USN). USN campus i Bø har 3.000 studentar totalt og ein reknar med at rundt 1.500 nye studentar startar opp i Bø denne veka. I går var det offisiell opning ved rektor Petter Aasen i uteamfiet ved skulen. Ordførar i Bø, Borgar Kaasa, ønskte velkomen. Kaasa oppfordra studentane til å engasjere seg i lokalt foreiningsliv og gjerne også ta i bruk butikkane i Bø.

Bø blad har studentar som tema i dag med ni sider redaksjonelt stoff.

Tid for festival

Telemarkfestivalen. På Husly spelte i dag Ragnhild Furholt trio lunsjkonsert. Foto: Øystein Akselberg

Den 30. Telemarkfestivalen er sparka i gang. I går kvled var det Øyonn Groven Myhren og Bugge Wesseltoft med band som samla fullt hus på Bø hotell. Det fortsett med quis og konsert med Vicent Cross på Bull Inn. I dag var det fin konsert med Ragnhild Furholt trio på Husly. Nå går det slag i slag utover dagen. Klokka 16 er det dansefest på torget og ikkje minst Jubileumskonsert kl 19 i Gullbring. Vidare utover kvelden skal svenske Väsen og Celtic Roots Ensemble med blant anna Knut Reiersrud og Tuva Syvertsen på scena, også det i Gullbring.

Opningskonsert. Festivalen opna med konsert med prosjektbandet Nordjordet med Øyonn Groven Myhren og Bugge Wesseltoft i spissen. Foto: Øystein Akselberg


Rydd søppel og vinn premie

Dugnad mot forsøpling. Her står f.v. prosjektleiar Malén Kårstad, dagleg leiar i Telemarkskanalen Regionalpark Pål Kleffelgård, og koordinator i Midtre Telemark Vannområde, Anita C. Kirkevold, på prosjektets stasjon i Gvarv båthamn.

Telemarkskanalen Regionalpark har sett i gang ein stor dugnad for å rydde søppel og plast langs vassdraga våre i Midt-Telemark og heile Telemarksvassdraget. Prosjektet har fått namnet Kanallotteriet. Alle som ryddar og leverer søppel til ein av dei ti stasjonane i prosjektet blir med i trekningar på 2.000 kroner i premie. Det blir trekningar kvar 14. dag.

– Me oppfordrar alle til å vere med på ryddedugnaden, seier dagleg leiar i Telemarkskanalen Regionalpark, Pål Kleffelgård, og kan lokke med godt samvit pluss sjanse til å vinne fine pengepremiar for alle som deltek.

Ryddeaksjonen omfattar sju kommunar langs Telemarkskanalen. I regionen er det plassert ut totalt ti stasjonar der folk kan hente ut søppelsekkar til å plukke i. Det er også faste stader der folk kan levere søppelsekkane. Det er sett ut avfallscontainarar på stasjonane, som er merka «Kanallotteriet». I Bø er det ein stasjon for både henting og levering av sekk; ved teknisk etat på Bekkevoll i Gullbringvegen. I Sauherad kan ein hente sekkar i Gvarv båthamn og Akkerhaugen båthamn. Levering kan skje same to stader pluss ved Sunde renovasjon og gjenvinning sitt anlegg på Akkerhaugen.

Les meir om saka i dagens avis.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje