Sosiale medium

Bø i Telemark
03
23°C
 

Dato

Fredag 23. august 2019

Web-kamera i Bø

Høgskulen
Lifjell

Forfatterarkiv

Ny bli kjent-kveld i Bø

Studentar møter lag og foreiningar. Sentrale krefter bak minglekvelden i Gullbring er f.v. André Hustoft Nesheim frå Gullbring kulturanlegg, Marita Kristina Valkeinen frå kulturkontoret Bø kommune og Ole Henrik Jahre, nestleiar fadderstyret ved USN.

Universitetet i Bø (USN), Bø kommune og Gullbring kulturanlegg arrangerer for første gong ein minglekveld for lag og foreiningar i Bø og studentar ved universitetet. Minglekvelden kjem i stand etter ønskje frå USN og har som mål å kople studentar mot lokale frivillige lag og foreiningar. Arrangementet skjer onsdag 14. august og er ein del av fadderveka for studentane.

Møteplass

– Dette blir ein vinn-vinn-situasjon for begge partar. Her kan studentane gjere seg kjent med det frivillige lagslivet i Bø. Tilsvarande kan lag og foreiningar slje seg inn med aktivitetane sine og kanskje kapre nye medlemer og styremedlemer, seier trioen som står bak planlegginga av arrangementet, Marita Kristina Valkeinen ved kulturkontoret i Bø kommune, marknads- og arrangementleiar André Hustoft Nesheim ved Gullbring kulturanlegg og Ole Henrik Jahre, nestleiar fadderstyret ved USN.

For Gullbring er det også eit fint høve å vise fram kulturanlegget for nye studentar.

Uformell kveld

Trioen seier at alle lag og foreiningar som er relevante i høve studentane er velkomne til å stille med stand. Dei håpar at lagslivet i området tenner på denne idéen og ser at det kan vere til stor nytte å treffe studentane tidleg i studieåret.

– Det blir eit uformelt og laust program der studentane kan mingle Framstugo og også få tilbod om noko å bite i, seier arrangørane.

Det blir to minikonsertar med ein trio frå Akkerhaugen Rock Samfunn med Lene Langåsdalen i spissen og med den lokale gruppa Stupidiots.

– Bø kommune håpar dette engasjementet slår an både hjå lagslivet og studentane. Det blir ein prøve i år, men me håpar dette kan bli eit fast arrangement under fadderveka, seier Kristin Karlbom Dahle frå administrasjonen i Bø kommune.

Slutt på Norway cup-eventyret

Dansa på Ekeberg. Skarphedin-jentene hadde torsdag all grunn til sigerdans på Ekebergsletta. Begge lag kom vidare i sine sluttspel tidleg på torsdag.

Begge lag blei slått ut: I går torsdag enda Norway Cup-eventyret for begge Skarphedins lag. Lag 2 i A-sluttspelet tapte 1-2 mot Austrheim i 8.delsfinalen, medan lag 1 tapte 0-3 mot Drøbak-Frogn i kvatfinalen i B-sluttspelet. Jentene har all grunn til å vere nøgd med å ha kome langt i kvar sine sluttspel.

Tidlegare oppdatering torsdag: Like før klokka 12.30 var det klart at Skarphedin sitt jentelag 15 år er vidare til 8. delsfinalen i Norway cup sitt A-sluttspel. Dei slo Jølster 1-0 i 16-delsfinalen. Klokka 17.00 i dag er det ny kamp for jentene (8. delsfinale). Dei møter da Austrheim IL.

Det andre jentelaget, også i 15-års klassen, har gjort sine saker svært bra i B-sluttspelet. I går slo dei Seljord 4-1 og i dag blei det 3-2-siger over Ål i 8. deslfinalen. Laget møtte Drøbak-Frogn i kvartfinale klokka 12.45 i dag. Kampen enda med tap 0-3 og dermed er årets cup-eventyr over for jentene.

Skarphedin 15 år, lag 2, etter siger mot Jølster i A-sluttspel 1/16-finale. Foto: Pål Kleffelgård

Nytt talent med gevær og ski

Satsar på skiskyting. Hanna Louise Apelgren i Sparebanken 1 Telemark hadde gelda over å dele ut ein sjekk på 15.000 kroner til skiskyttartalentet i Bø skiskyttarlag, Kasper Dagsland Gulbrandsen. Foto: Øystein Akselberg

Kasper Dagsland Gulbrandsen (18) er kåra til vinnar av sommar-utgåva av Sparebanken 1 Telemark og Bø blad sin talentkonkurranse, Unge Talent. Tysdag kunne Kasper møte opp i lokala til Sparebank 1 Telemark og få overlevert diplom og ein sjekk på 15.000 kroner.

– Det er svært overraskande og svært gledeleg. Pengane skal kome godt med, seier Kasper og takkar for pris-premien.

Kasper har drive med skiskyting sidan han var ni år og går for Bø skiskyttarlag. Til hausten tek han til på tredje året på toppidrett skiskyting ved Sirdal vidaregåande skule. Han satsar hardt på skiskyting og ønskjer å sjå kor langt han kan drive idretten sin. Han kan så langt vise til bronse i NM-stafett med laget sitt Telemark/Vestfold. Her gjekk han sisteetappe og prikka inn ti blink. Han set høge mål og siktar mot medaljar i komane Noregscup og NM. På sikt er det landslagplass som lokkar.

Les meir om skiskyttartalentet i Bø i dagens avis.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje